Presidenti i Rusisë Vladimir Putin ka fajësuar Kievin për eskalimin e fundit të luftimeve në lindje të Ukrainës, duke thënë se qeveria ka lëshuar një "urdhër zyrtar për të filluar një aksion në shkallë të madhe” kundër separatistëve pro-rusë.
Putini i bëri sot këto deklarata, pasi një lider separatist tha se rebelët të cilët kanë marrë kontrollin e aeroportit të shpartalluar të Donjeckut, u zotuan të marrin gjithë krahinën, shumica e së cilës mbahet ende nga qeveria.
Putini tha se Ukraina nuk i është përgjigjur propozimit të cilin Kremlini thotë se ia ka bërë presidentit ukrainas Petro Poroshenko më herët gjatë javës, duke bërë thirrje për tërheqje të armatimit të rëndë.
