Grekët votojnë të dielën në zgjedhjet e përgjithshme.
Sondazhet tregojnë se partia Syriza ka gjasa të mira për të fituar.
Kjo parti radikale e krahut të majtë, e cila udhëhiqet nga Alexis Tsipras, kundërshton masat e kursimit dhe, sipas analistëve, mund të vë Greqinë në një përplasje me kreditorët e saj ndërkombëtarë.
Fitorja e saj eventuale rrit shqetësimet se Greqia mund të mos paguajë borxhet dhe të dalë nga Eurozona.
Partia e dytë në sondazhe është ajo e kryeministrit aktual, Antonis Samaras.
Papunësia në Greqi është rreth 25 për qind dhe ekonomia e saj është tkurrur për një të katërtën që nga fillimi i krizës në Eurozonë.