Bjellorusia ka miratuar një ligj, sipas të cilit, shfaqja e forcave të huaja të armatosura në territorin e vendit, do të konsiderohet akt i agresionit, pavarësisht nëse ato janë trupa të rregullta.
Ndryshimet në ligjin për gjendjen e luftës duket se janë paralajmërimet e fundit të presidentit Alyaksandr Lukashenka për Rusinë, që të mos ia mësyjë Bjellorusisë.
Rusia ka alarmuar edhe partnerët e saj më të afërt kur ka dërguar forca, me uniforma pa shenja, në Krime, për të vendosur kontrollin mbi këtë rajon të Ukrainës.
Ajo e ka aneksuar ilegalisht Krimenë në marsin e kaluar, ndërsa trupat janë bërë të njohur si “burra të vegjël të gjelbër”.
Ndryshimet në ligjin bjellorus do të aplikohen edhe për inkursionet nga Perëndimi në Bjellorusi.