Një zyrtar i lartë i ushtrisë ruse thotë se Moska do ta forcojë ushtrinë taxhike në kuadër të Organizatës së Traktatit të Sigurisë Kolektive.
Duke folur para gazetarëve pas takimit me presidentin e Taxhikistanit, Emomali Rahmon, zëvendësministri rus i mbrojtjes Anatoly Antonov, ka thënë se tërheqja e shumicës së forcave ndërkombëtare nga Afganistanin fqinj, e bën edhe më të nevojshme fuqizimin e ushtrisë taxhike.
Ai nuk ka dhënë detaje në lidhje me mënyrën e forcimit të ushtrisë taxhike.
Organizata e Traktatit të Sigurisë Kolektive është një aleancë e sigurisë që përfshin Rusinë, Armeninë, Bjellorusinë, Kazakistanin dhe Taxhkistanin. Ky i fundit është i vetmi shtet nga blloku që kufizohet me Afganistanin.
Zyrtarët rusë kanë shfaqur shqetësim në lidhje me zvogëlimin e trupave ndërkombëtare në Afganistan