Ndërlidhjet

OKB urdhëron hetime për protestën e dhunshme në Mali


Ban Ki-moon

Ban Ki-moon

Sekretari i Përgjithshëm i Kombeve të Bashkuata Ban Ki-moon ka urdhëruar të bëhet një hetim për dhunën gjatë një demonstrate jashtë një baze paqeruajtëse të OKB-së në veri të Malit, që vrau të paktën tre protestues dhe plagosi disa të tjerë.

Zëdhënësi i OKB-së Stephane Dujarric tha të enjten që zoti Ban "shpreh keqardhje për incidentet" gjatë protestës të së martës në Gao të Malit dhe urdhëroi hetim për të përcaktuar faktet.

Ai tha se OKB-ja do të bashkëpunojë me të gjitha palët në hetim.

Trupat paqeruajtëse të OKB-së janë në Mali për të rivendosur stabilitetin në veri të vendit, ku ka pasur sulme të përsëritura nga ekstremistët islamik të lidhur me Al-Kaidën.

Në këtë rajon, po ashtu, janë rritur edhe tensionet me separatistët tuareg.

XS
SM
MD
LG