Bashkimi Evropian raportohet se po diskuton një propozim për zgjerimin e listës së sanksioneve, për shkak të ndërhyrjes së Rusisë në konfliktin në lindje të Ukrainës.
Diplomatë në Bruksel i kanë thënë Radios Evropa e Lirë se ambasadorët pritet të pajtohen për shtimin e 25 individëve dhe subjekteve në listë.
Sipas tyre, zyrtarë të lartë rusë nuk do të përfshihen në listën e zgjeruar.
Propozimi pritet të miratohet formalisht nga ministrat e Jashtëm të BE-së më 9 shkurt.