Rigjykimi i dy gazetarëve të Al-Jazeeras, të burgosur në Egjipt, do të nisë më 12 shkurt, kanë bërë të ditur burime të gjyqësorit.
Mohamed Fahmy dhe Baher Mohamed janë dënuar me 7, përkatësisht 10 vjet burgim qershorin e kaluar.
Gjykata ka urdhëruar rigjykimin e tyre muajin e kaluar.
Ata janë arrestuar në vitin 2013 së bashku me kolegun australian, Peter Greste, nën akuzat se kanë bashkëpunuar me Vëllazërinë Myslimane, e cila është lëvizje e ndaluar në Egjipt.
Greste është liruar një javë më parë.