Mijëra persona marshuan dhe qindra studentë dhe mësimdhënës bojkotuan mësimin nëpër shkolla në disa qytete të Turqisë, për të protestuar, atë që ata e quajnë rritje të influencës islamike nëpër orë të mësimit.
Mediat vendore raportuan se polica përdori topa uji për të shpërndarë protestuesit në qytetin Izmir, ndërsa rreth 10 persona u ndaluan në Stamboll për organizim të bojkotit shkollor.
Kritikët e presidentit turk Recep Tayyip Erdogan e akuzojnë atë se po ndërton arsim të fokusuar në fenë islame, në një përpjekje për të realizuar qëllimin e tij për ngritjen e "gjeneratave të devotshme”.
Turqia në vitet e fundit ka rritur numrin e shkollave dhe lëndëve fetare.
Protestuesit po kërkonin planprogram më shkencor dhe jo-fetar në shkollat publike.
Disa prej studentëve, shkuan nëpër muze shkencorë në vend të shkollës, për të protestuar kundër prioritetit që po u jepet lëndëve fetare.