Ndërlidhjet

Armëpushim dhe shkelje në Ukrainë


Debaltseve, Ukrainë

Debaltseve, Ukrainë

Armëpushimi në Ukrainë ka vazhduar të mbahet në përgjithësi, edhe pas 24 orëve të hyrjes në fuqi.

Disa shkelje të shpërndara, megjithatë, janë raportuar, duke përfshirë granatimet e vazhdueshme përreth qytetit Debaltseve.

Të shtënat nga separatistët pro-rusë në Debaltseve mbeten pika kryesore e shqetësimit për armëpushim, pasi komandanti i rebelëve i ka thënë agjencisë së lajmeve Reuters se forcat e tij mund të hapin zjarr në qytet dhe territorin përreth tij, pasi ai është “territori i tyre”.

Organizata për Siguri dhe Bashkëpunim në Evropë (OSBE), e cila është përgjegjëse për monitorimin e armëpushimit, ka thënë se separatistët kanë bllokuar vëzhguesit e saj nga hyrja në Debaltseve.

Zëdhënësi i OSBE-së, Michael Bociurkiw, ka thënë se shumica e shkeljeve të armëpushimit janë bërë përreth zonës së Debaltseves, por edhe pranë qyteteve që kontrollohen nga rebelët, Donjeck dhe Luhansk.

Shpërthime të rralla janë dëgjuar edhe jashtë qytetit Mariupol.

Ushtria e Ukrainës ka thënë se separatistët janë duke përdorur armë të ndryshme, përfshirë raketa Grad, për të sulmuar Debaltseven.

XS
SM
MD
LG