Një prokuror francez ka bërë thirrje për lirimin e ish-shefit të Fondit Monetar Ndërkombëtar, Dominique Strauss-Kahn, nga akuzat për kontraktim të prostitutave.
Prokurori në qytetin Lille, Frederic Fevre, ka thënë se as hetimet, as dëshmitë e dëgjuara në gjykatë nuk kanë treguar se ai është fajtor.
Straus Khan akuzohet se ka ndihmuar në kontraktimin e punëtoreve të seksit në një hotel të qytetit Lille.
Kahn ka thënë se nuk e ka ditur se gratë janë prostituta.
Edhe pse përdorimi i prostitutave nuk është i paligjshëm në Francë, furnizimi ose ndihma në furnizimin e tyre është e paligjshme.
Nëse shpallet fajtor, Kahn mund të dënohet deri në 10 vjet burgim dhe me gjobë prej 1.5 milion eurosh.