Zyrtarët në Ukrainë thonë tani se dy persona janë vrarë dhe 11 të tjerë janë plagosur nga shpërthimi i bombës në një marshim paqësor në qytetin e Kharkivit.
Më herët, zyrtarët kanë thënë se tre njerëz kanë vdekur nga sulmi i sotëm.
Policia po ashtu ka thënë se disa të dyshuar në lidhje me sulmin janë arrestuar.
Shpërthimi ka ndodhur gjatë një marshimi me rastin e njëvjetorit të përmbysjes së ish-presidentit pro-rus të Ukrainës, Viktor Yanukovych.
Marshime të ngjashme janë zhvilluar sot edhe në Kiev dhe pjesë të tjera të Ukrainës, por jo në zonat që kontrollohen nga separatistët.