Zyrtarët në Ukrainë thonë se kanë arrestuar katër shtetas ukrainas në lidhje me shpërthimin e një bombe në Kharkiv, i cili ka lënë të vrarë dy persona dhe ka plagosur 11 të tjerë.
Policia ka thënë se të vrarët në sulmin e sotëm kanë qenë një zyrtar policor dhe një civil.
Oleksandr Turchynov, udhëheqës i Këshillit për Siguri dhe Mbrojtje Kombëtare të Ukrainës, ka thënë se në Kharkiv ka nisur operacioni “antiterrorist” në përgjigje të incidentit.
Shpërthimi ka ndodhur gjatë një marshimi me rastin e njëvjetorit të përmbysjes së ish-presidentit pro-rus të Ukrainës, Viktor Yanukovych.
Marshime të ngjashme janë zhvilluar sot edhe në Kiev dhe pjesë të tjera të Ukrainës, por jo në zonat që kontrollohen nga separatistët.
