Disa orteqe të borës kanë vrarë së paku 28 njerëz në verilindje të Kabulit, në provincën malore Panjshir.
Burimet zyrtare thonë se dhjetëra të tjerë figurojnë të zhdukur dhe se numri i të vdekurve pritet të rritet.
Reshjet e dendura të borës kanë bllokuar rrugët kryesore në provincë, duke e bërë të vështirë për ekipet e shpëtimit që të arrijnë në fshatrat e prekura.
Orteqet vdekjeprurëse janë të zakonshme në malet e larta të Afganistanit gjatë stinës së dimrit.
