Presidenti i Kazakistanit Nursultan Nazarbaev ka thënë se zgjedhjet e parakohshme presidenciale do të mbahen më 26 prill.
Nazarbaev, i cili ka udhëhequr Kazakistanin që nga vitit 1989, shtoi se pasi ka marrë parasysh "interesat dhe kërkesat e qytetarëve tanë ndaj meje" ka vendosur të shpallë zgjedhje të parakohshme.
Zgjedhjet presidenciale është paraparë të mbahen në vitin 2016.
Asambleja e Popullit të Kazakistanit, një organ kushtetues i kryesuar nga Nazarbaev, kishte propozuar më 14 shkurt që votimi të mbahet këtë vit.
Asambleja tha se zgjedhjet e parakohshme ishin të nevojshme për të "siguruar vazhdimësinë e politikës së tanishme" dhe për të forcuar ekonominë.
Ajo shtoi se Nazarbaev, 74 vjeçar, ka nevojë për një mandat tjetër për të drejtuar Kazakistanin përmes krizës së vazhdueshme ekonomike.