Ndërlidhjet

Vdiq novelisti turk, Yasar Kemal


Yasar Kemal, në të majt, bisedon me autorin, Aziz Nesin në Stamboll, 20 Janar 1995

Yasar Kemal, në të majt, bisedon me autorin, Aziz Nesin në Stamboll, 20 Janar 1995

Ka ndërruar jetë në moshën 91 vjeçare, novelisti i njohur turk, Yasar Kemal, i konsideruar si një nga shkrimtarët më të mirë të Turqisë.

Librat e tij janë përkthyer në 40 gjuhë të botës.

Kemal ka qenë kurd etnik, i lindur në një fshat të pjesës juglindore të Turqisë, vetëm pak javë pas themelimit të Republikës Turke, mbi hirin e Perandorisë Osmane.

Siç shkruan agjencia e lajmeve Reuters, tragjedia e ka prekur jetën e novelistit turk qysh në fëmijëri të tij.

Ai thuhet se ka qenë dëshmitar i vdekjes së babait të tij në duart e një jetimi që familja e kishte adoptuar.

Kjo i ka shërbyer si bazë për romanin e tij ‘Salman the Solitary’, i publikuar në vitin 1980.

I njohur për qasjen e tij lirike, Kemal ka ndihmuar në zhvillimin e asaj që quhet ‘novela fshatare’.

Ai dikur ka qenë edhe anëtar i Partisë Marksiste të kurdëve dhe shpesh herë është arrestuar për aktivitetet e tij politike.

XS
SM
MD
LG