Ukrainasit me prejardhje çeke kanë nisur të largohen nga lindja e Ukrainës dhe të shkojnë në Republikën Çeke.
Radioja e Çekisë ka raportuar se një autobus me 40 njerëz, paraardhësit e të cilëve kanë shkuar në Ukrainë kur ajo ka qenë pjesë e Perandorisë Ruse, në shekullin 19, ka lënë fshatin Çekhohrad – që do të thotë qyteti çek – në juglindje të rajonit Zaporizhzhya.
Fshati, i populluar kryesisht me pasardhës të imigrantëve çekë, ndodhet rreth 200 kilometra në perëndim të vijës së frontit në konfliktin midis forcave qeveritare dhe rebelëve pro-rusë.
Raportohet se 138 ukrainas me prejardhje çeke pritet të arrijnë në Republikën Çeke në javët e ardhshme.
Zyrtarët çekë ka thënë se të riatdhesuarve do t’iu ofrohet strehim, punë dhe sigurim shëndetësor.