Raportet nga Iraku flasin për luftime të ashpra përreth qytetit Tikrit.
Ushtria e Irakut ka nisur të hënën një operacion ushtarak për rimarrjen e qytetit nga militantët e Shtetit Islamik.
Qeveria ka mobilizuar rreth 30,000 forca për operacionin, përfshirë trupa ushtarake, milici shiite dhe luftëtarë sunitë.
Luftime raportohen sot jashtë fshatit Al-Dour dhe në qarqet Al-Zuhur dhe Qadisiya.
Zyrtarët kanë pranuar se avancimi i forcave qeveritare është i ngadalshëm për shkak të snajperëve dhe bombave në anë të rrugës.
Sheteti Islamik ka marrë kontrollin e Tikritit - vendlindjes së ish-diktatorit Sadam Hussein - qysh nga vera e kaluar.