Ndërlidhjet

Një veturë bombë me cak një punkt kontrolli të policisë ka vrarë së paku shtatë persona dhe ka plagosur mbi 20 të tjerë në pjesën jugore të Afganistanit.

Zëvendësguvernatori i krahinës së Helmandit, Mohammad Jan Rasoulyar, ka thënë se sulmi ka ndodhur më 10 mars, në periferi të kryeqytetit krahinor, Lashkar Gah.

Në mesin e të vrarëve dhe të plagosurve ka civilë dhe policë.

Deri më tash askush nuk e ka marrë përgjegjësinë për sulmin, që ndodhi derisa forcat afgane po përballen me talibanët

SHBA-të dhe NATO, formalisht i kanë dhënë fund misionit të tyre luftarak në fund të vitit 2014, ndërsa këtë rol e kanë marrë përsipër forcat afgane të sigurisë.

XS
SM
MD
LG