Lideri suprem iranian, Ali Khamenei e ka kritikuar letrën e senatorëve republikanë nga SHBA-të përmes së cilës ata janë kërcënuar se do ta anullojnë një marrëveshje të SHBA-ve me Teheranin për programin e saj bërthamor.
Khamenei ka thënë sot në Teheran se sa herë arrihet progres në mes të Iranit dhe gjashtë fuqive botërore që po e negociojnë programin bërthamor të republikës islamike, zyrtarët amerikanë bëhen më të “ashpër, fuqishëm dhe më të vrazhdë”.
Në referencë të letrës së hapur të dërguar më 9 mars te liderit e Iranit, të nënshkruar nga 47 senatorë republikanë, Khamenei ka shtuar se SHBA-të njihen për “mashtrimet dhe nguljen e thikës pas shpinës”.
Senatorët republikanë, përmes letrës së tyre kanë paralajmëruar se çfarëdo marrëveshje me Presidentin Obama mund të ndryshohet pasi ai ta përfundojë mandatin, më 2017.
