Autoritetet spanjolle kanë vendosur që të mos e ekstradojnë figurën opozitare kazake, Muratbek Ketebaev, në vendin e tij.
Bashkëshortja e tij, Irina Petrusheva, i ka thënë sot Radios Evropa e Lirë se ministria e drejtësisë së Spanjës, ka vendosur që të mos e dërgojë në gjykatë rastin dhe kështu duke e mbyllur mundësinë për ekstradimin e tij.
Ajo ka thënë se Ketebaev, ishte larguar nga Spanja dje duke u nisur drejt Polonisë, ku i është aprovuar kërkesa për azil politik në vitin 2013.
Ketebaev, bashkëthemelues i partisë opozitare ‘Algha’, është larguar nga Kazakistani në vitin 2011, pas presioneve që i janë bërë për shkak të kritikave dhënë presidentit kazak, Nursultan Nazarbaev.
Ai isshte arrestuar në Madrid, më 27 dhjetor në bazë të një fletarresti të Interpolit, kërkesë kjo e bërë nga qeveria e Kazakistani.
Më 15 janar, ai ishte liruar nga qendra e paraburgimit, por ishte urdhëruar që të mbetej në Spanjë derisa të merrej një vendim.
Në vendin e tij, ai është dënuar në mungesë ndër të tjera edhe për planifikimin e një sulmi terrorist në Almati.
Ketebaev i ka hedhur poshtë akuzat.