Në Serbi është sot ditë zie, në nderim të shtatë personave që kanë humbur jetën nga rrëzimi i helikopterit.
Helikopteri i ushtrisë, i cili po bartte një foshnje të sëmurë nga rajoni i Rashkës, është rrëzuar pranë aeroportit të Beogradit, të premten në mbrëmje, për shkak të mjegullës së dendur.
Katër anëtarë të ekuipazhit, dy punonjës shëndetësorë dhe foshnja pesëditëshe janë në mesin e të vrarëve.
Ministria e Mbrojtjes e Serbisë ka thënë se vendi ka humbur “pilotët më të mirë”.