Ndërlidhjet

Kerry: Duhet të negociojmë me Assadin


Sekretari amerikan i Shtetit, John Kerry.

Sekretari amerikan i Shtetit, John Kerry.

Sekretari amerikan i Shtetit, John Kerry, ka thënë se Uashingtoni do të duhet të negociojë me presidentin e Sirisë, Bashar al-Assad, për t’i dhënë fund luftës civile në këtë vend.

Në një intervistë për televizionin CBS, Kerry nuk ka përsëritur qëndrimin standard të SHBA-së se Assad ka humbur të gjithë legjitimitetin dhe duhet të largohet.

“Në fund duhet të negociojmë. Ne kemi qenë gjithmonë të gatshëm për të negociuar në kontekstin e procesit të Gjenevës I”, ka thënë Kerry, duke iu referuar një konference të vitit 2012, e cila ka bërë thirrje për zgjidhje të negociuar të konfliktit në Siri.

Mbi 215,000 njerëz janë vrarë në këtë luftë, e cila ka nisur qysh në mars të vitit 2011.

XS
SM
MD
LG