I dërguari i Kombeve të Bashkuara në Afganistan, Nicholas Haysom, thotë se raportet aktuale sugjerojnë se grupi ekstremist, Shteti Islamik (IS) ka lëvizur në Afganistan.
Mëtutje, në komentet e tij të mbrëmshme në Këshillin e Sigurimit të Kombeve të Bashkuara, zoti Haysom tha se vlerësimi i Misionit të OKB-së në Afganistan është se, megjithatë, grupi militant, Shteti Islamik, nuk ka “rrënjë të fuqishme” në Afganistan.
Përfaqësuesi i Rusisë në Kombet e Bashkura, Vladimir Safronkov, ka kërkuar që Këshilli i Sigurimit ta ndalë zgjerimin e esktremistëve.
