Ndërlidhjet

Ukrainë: Dhunë pasi një makinë e blinduar e shkeli në vajzë


Pjesëtarë të forcave të sigurisë së Ukrainës në qytetin Kostyantynivka
Pjesëtarë të forcave të sigurisë së Ukrainës në qytetin Kostyantynivka

Autoritetet në qytetin Kostyantynivka në pjesën lindore të Ukrainës, që është nën kontrollin e qeverisë në Kiev, i kanë bërë disa arrestime për shkak të dhunës, që ka shpërthyer pasi një makinë e blinduar dje e ka shkelur dhe vrarë një vajzë të re.

Banorët e zemëruar të këtij qyteti kanë hedhur gurë në kazerma dhe i kanë djegur dy makina, pasi ushtarët qartas e kishin humbur kontrollin ndaj makinës, me ç’rast u vra vajza shtatëvjeçare dhe u plagëson dy të afërm të saj.

Policia i ka shtuar patrullat për ta evituar përshkallëzimin e trazirave, tha në Facebook, Vyacheslav Abroskin, shef i policisë lokale.

Sipas tij, dy ushtarët përgjegjës për këtë incident janë arrestuar, ndërsa organizuesit e “trazirës” janë identifikuar.

Nga ana tjetër, Anton Herashchenko, këshilltar i ministrit të brendshëm të Ukrainës, i tha Radios Evropa e Lirë se “ne e respektojmë protestën nga shtetasit pas tragjedisë, por do të bëjmë çdo gjë të mundshme për t’i parandaluar shërbimet e fshehta të Rusisë dhe mbështetësit e tyre nga destabilizimi i mëtejshëm i situatës”.

QytetiKostyantynivka shtrihet në veri të Donjeckut, që është nën kontroll të separatistëve prorusë.

Nga konflikti i tyre me forcat e qeverisë së Ukrainës, prej muajit prill të vitit të kaluar, janë vrarë më se 6 mijë njerëz.

XS
SM
MD
LG