Dy punonjëse shëndetësore dhe një roje janë vrarë në Pakistan, gjatë vaksinimit kundër poliomelitit.
Policia ka bërë të ditur se sulmi ka ndodhur në provincën Khyber-Pakhtunkhwa.
Militantët sulmojnë shpesh punonjësit mjekësorë të përfshirë në fushatën e vaksinimit, duke thënë se programi i imunizimit kundër poliomelitit është mbulesë për spiunazh ose për sterilizimin e myslimanëve.
Sulmet po ashtu kanë kontribuar në rritjen e rasteve me poliomelit në Pakistan.