Ndërlidhjet

logo-print

Michelle Obama në Kamboxhia për të promovuar shkollimin


Michelle Obama

Michelle Obama

Zonja e Parë e Shteteve të Bashkuara të Amerikës, Michelle Obama ka udhëtuar të premten nga Japonia për në Kamboxhia - një udhëtim nga një nga vendet më të pasura të Azisë, në një nga më të varfërat -- si pjesë e fushatës për të ndihmuar miliona vajza përreth botës, që të qëndrojnë në shkollë.

Zonja Obama arriti në qytetin Siem Reap, ku ajo planifikon disa aktivitete që fokusohen në iniciativën arsimore të udhëhequr nga SHBA-të, të quajtur "T'i lëmë vajzat të mësojnë".

Shtëpia e Bardhë tha se zonja Obama pritet të "ndajë perspektivat amrikane rreth edukimit dhe qeverisjes së mirë", por nuk pritet që të kritikojë drejtpërdrejtë shkeljet e të drejtave të njeriut në Kamboxhia.

Michelle Obama është Zonja e Parë amerikane që viziton Kamboxhian, lideri i së cilës, Hun Sen, drejton vendin tash e 30 vjet, me shkallë të dobët të respektimit të të drejtave të njeriut.

Edhe sot, shumica e fëmijëve të Kamboxhias e lënë shkollën. Sipas statistikave të qeverisë në vitin 2014, 95 për qind e fëmijëve fillojnë shkollimin fillor, por vetëm 20 për qind e përfundojnë shkollimin e mesëm.

Varfëria në këtë vend është problemi kryesor, sidomos në zonat rurale, ku fëmijët nxjerren nga shkollat, për të punuar, në mënyrë që të ndihmojnë familjet e tyre.

XS
SM
MD
LG