Ndërlidhjet

Rusi: Në Dagestan janë vrarë militantët e dyshuar


Pamje nga një operacion i mëparshëm kundër terrorit në Dagestan

Pamje nga një operacion i mëparshëm kundër terrorit në Dagestan

Autoritetet e Rusisë thonë se shtatë militantë të dyshuar janë vrarë gjatë një operacioni të sigurisë në rajonin Dagestan në Kaukazin Verior.

Raportohet se sot janë vrarë dy persona të armatosur, gjatë një ndërhyrjeje në një ndërtesë banimi në kryeqytetin rajonal, Mahaçkala.

Pesë militantë të tjerë ishin vrarë kur policia kishte bërë kërkime në një ndërtesë tjetër banesore.

Komiteti Kombëtar Antiterror tha se të vrarët ishin të dyshuar për një seri të aksioneve terroriste, përfshirë sulmet kundër oficerëve të policisë.

Dagestani është praktikisht i përfshirë nga dhuna e ndërlidhur me kryengritjen islamike, që i ka rrënjët në dy luftëra separatiste në periudhën pas-sovjetike, në Çeçeninë fqinje. Po ashtu, për këtë dhunë fajësohet edhe krimi i organizuar, mospajtimet politike dhe rivalitetet klanore.

Dhuna në gjithë Kaukazin Verior të Rusisë po vazhdon, megjithë përpjekjet e Kremlinit për ta ripërtrirë stabilitetin pas luftërave të Çeçenisë.

Gjatë sulmeve, caqe të rregullta janë zyrtarët dhe policët.

XS
SM
MD
LG