Ndërlidhjet

Nju Jork: Shtatë fëmijë humbën jetën nga zjarri


Pamje nga një zjarr i mëparshëm në Bruklin të Nju Jorkut

Pamje nga një zjarr i mëparshëm në Bruklin të Nju Jorkut

Shtatë fëmijë nga një familje ortodokse hebreje kanë humbur jetën dje, kur zjarri e përfshiu shtëpinë e tyre në Bruklin, derisa ata ishin duke fjetur. Autoritetet mendojnë se kjo tragjedi është shkaktuar nga funksionimi i dobët i pajisjeve shtëpiake.

Nga zjarri vdiqën tri vajza dhe katër djem, të moshës prej 5 e deri në 16 vjeçare, ndërsa nëna e tyre dhe një fëmijë tjetër janë në gjendje kritike shëndetësore.

Zyrtarët e shërbimit të zjarrëfikësve thanë se flaka e kishte parandaluar nënën, e cila kishte ikur nga dritarja, nga përpjekja për shpëtimin e fëmijëve të saj.

“Kjo është tragjedi e pabesueshme”, tha prefekti i Nju Jorkut, Bill de Blasio, pasi e vizitoi shtëpinë e shkatërruar, raporton AP.

“Secili banor në Nju Jork tash po e ndjen këtë dhembje”, tha ai.

XS
SM
MD
LG