Ndërlidhjet

Lideri tajlandez: Kam fuqi ekzekutive të ekzekutoj gazetarët


Gjenerali Prayuth Chan-ocha - Arkiv

Gjenerali Prayuth Chan-ocha - Arkiv

Lideri i juntës në Tajlandë, Prayuth Chan-ocha, ka sulmuar sot gazetarët duke thënë se ai ndoshta thjeshtë do i ekzekutojë ata që “nuk e raportojnë të vërtetën”, raporton Reuters.

Muajin e kaluar ai kishte thënë se ka fuqi ekzekutive që të mbyll mediat, ndërsa sot ai shkoi një hap më tutje.

“Ne ndoshta thjeshtë do i ekzekutojmë ata”, ka thënë Prayuth, kur është pyetur se si do të reagojë qeveria ndaj gazetarëve që nuk i përmbahen linjës zyrtare të shtetit.

“Ju nuk keni nevojë ta përkrahni qeverinë, por duhet ta raportoni të vërtetën”, ka thënë ish shefi i ushtrisë së Tajlandës.

Tash udhëheqësi i juntës tajlandeze e ka hequr nga pushteti qeverinë e kryeministrit Yingluck Shinaëatra, majin e vitit të kaluar përmes grusht-shtetit.

Prej grusht shtetit të vitit 2006, Tajlanda mbetët një vend shumë i ndarë në mes të liderëve që përkrahën nga zonat rurale dhe klasa punëtore urbane dhe liderëve që kanë përkrahje në kryeqytet dhe në jug të vendit.

XS
SM
MD
LG