Ambasadori i Palestinës në OKB i ka kërkuar Këshillit të Sigurimit të OKB-së që të ndërmarrë diçka për të mundësuar largimin e sigurt të 18 mijë palestinezëve nga kampi i refugjatëve që gjendet afër kryeqytetit të Sirisë.
Këshilli e ka mbajtur të hnënë në mbrëmje një takim urgjent rreth krizës në këtë kamp, që tani kryesisht kontrollohet nga Shteti Islamik.
Ambasadori palestinez, Riyad Mansour iu ka thënë gazetarëve se shpëtimi i refugjatëve është prioriteti kryesor i qeverisë së vendit të tij.
Ai ka apeluar te të gjitha kombet që të ndihmojnë në rialokimin e refugjatëve palestienzë në zona më të sigurta në Siri apo vende të tjera.
Mansour ka thënë se rreth 2 mijë veta nga 18 mijë refugjatët palestinezë kanë arritur të largohen për në vende më të sigurta, pa ndihmën e askujt.
Këshilli i Sigurimit është informuar me dyer të mbyllura nga udhëheqësi i agjencisë së OKB-së për refugjatët palestinezë, Pierre Krahenbuhl.
