Ndërlidhjet

Greqia i kërkon Gjermanisë kompensim masiv


Tsipras dhe Merkel - foto arkivi

Tsipras dhe Merkel - foto arkivi

Qeveria greke ka thënë se Gjermania i ka borxh Greqisë 279 miliardë euro në riparimet e dëmeve të luftës, gjatë pushtimit nazist.

Kjo është hera e parë që Greqia ka llogaritur zyrtarisht borxhet për mizoritë naziste gjatë viteve 1940.

Megjithatë, Qeveria e Gjermanisë thotë se çështja është zgjidhur ligjërisht disa vite më parë.

Pohimi i Qeverisë së majtë greke vjen në kohën kur ajo po lufton për të përmbushur afatet e shlyerjes së borxheve masive.

Kryeministri grek, Alexis Tsipras, ka ngritur këtë çështje kur ka takuar kancelaren gjermane, Angela Merkel, muajin e kaluar në Berlin.

Shifra e re e dhënë nga zëvendësministri grek i Financave, Dimitris Mardas, përfshin 10.3 miliardë euro për një kredi që nazistët kanë detyruar Bankën e Greqisë që ta paguajë.

“Sipas llogaritjeve tona, borxhi i lidhur me kompensimet e Gjermanisë është 278.7 miliardë euro”, ka thënë Mardas.

Sipas tij, llogaritja është bërë nga zyra shtetërore e kontabilitetit.

XS
SM
MD
LG