Grupi ekstremist i Shtetit Islamik (IS) ka humbur kontrollin e tri fushave të mëdha të naftës në Irak dhe kjo e privon atë nga një burim shumë i rëndësishëm i të ardhurave.
E përditshmja gjermane Sueddeutsche Zeitung raporton se kundërofensiva e forcave irakiane, gjatë disa javëve të fundit, ka bërë që Bagdadi të rimarrë tri nga katër fusha të mëdha të naftës, që mbaheshin nga luftëtarët e IS-it.
Duke u thirrur në shërbimin e inteligjencës së jashtme të Gjermnaisë BND, gazeta thotë se forcat e IS-it kanë vetëm 5 për qind të aftësive të nxjerrjes së naftës, krahasuar me më parë.
Shteti Islamik vazhdon të mbajë fushën e naftës Qayara, e cila, sipas BND-së, ka kapacitet prej 2,000 fuçive në ditë.
Gazeta thotë se IS “vështirë se mund të shesë naftë më”.
