Në Berlin të Gjermanisë sot mbahen bisedime për vlerësimin e implementimit të armëpushimit në pjesën lindore të Ukrainës.
Në këtët takim pritet të marrin pjesë ministri i jashtëm i Gjermanisë, Frank-Walter Steinmeier, ministri i jashtëm i Francës, Laurent Fabius, ministri i jashtëm i Rusisë, Sergei Lavrov, dhe ministri i jashtëm i Ukrainës, Pavlo Klimkin.
Ministri francez, Laurent Fabius, ka thënë sot se është i shqetësuar për “numrin e shkeljeve të armëpushimit” në Ukrainë.
Në këtë kaudër, ai theksoi se “do t’i përkujtojmë kolegët tanë, atë rus dhe ukrainas, se procesi i Minskut duhet të respektohet dhe duhet të respektohet deri në fundit të vitit”.
Nga konflikti në pjesën lindore të Ukrainës, ndërmjet forcave qeveritare dhe kryengritësve pro-rusë, prej prillit të vitit të kalur, janë vrarë më se 6 mijë njerëz.
