Kosova është pranuar si anëtare e përkohshme në Shoqatën Ndërkombëtare të Federatave Atletike, (IAAF).
Vendimi pason një verdikt të ngjajshëm nga Komiteti Olimpik Ndërkombëtar në tetor.
Me këtë vendim, Kosova bëhet anëtari i 214-të në Shoqatën Ndërkombëtare të Federatave Atletike.
Komunikata e trupit që e udhëheqë këtë shoqatë thotë: “IAAF e ka pranuar dhe e ka rishikuar aplikacionin për anëtarësim në IAAF të Federatës Kosovare të Atletikës”.
“Është vlerësuar se aplikacioni plotëson kushtet, sipas nenit 4.3 të kushtetutës dhe me këtë i është mundësuar anëtarësimi i përkohshëm”, thuhet më tej në këtë komunikatë.