Militantët e Shtetit Islamik kanë intensifikuar sulmet në qytetin Ramadi të Irakut, duke shpërthyer disa bomba në një kompleks qeveritar.
Anëtari i këshillit të provincës Anbar, Athal al-Fahdavi, ka thënë se qyteti është “në rrezik të madh”.
Ai po ashtu ka thënë se përforcimet e dërguara në Ramadi nuk kanë qenë të mjaftueshme për t’iu përgjigjur sulmeve të xhihadistëve.
Të mërkurën, militantët e Shtetit Islamik kanë kapur tre fshatra në periferi të qytetit.
Nëntë njerëz po ashtu janë raportuar të vrarë nga militantët në fshatin Albu Ghanim.