Trupa të Shteteve të Bashkuara dhe Ukrainës kanë nisur stërvitje të përbashkëta në Ukrainën perëndimore, në përpjekje për të forcuar forcat qeveritare që janë duke luftuar separatistët pro-rusë në lindje të Ukrainës.
Presidenti ukrainas, Petro Poroshenko, ka thënë se forcat e armatosura të Ukrainës duhet të rindërtohen nga e para, për t’iu bërë ballë kërcënimeve të huaja.
Ushtria amerikane ka bërë të ditur javën e kaluar se 300 paratrupa të saj do të trajnojnë 900 anëtarë të Gardës Kombëtare të Ukrainës.
Ministria e Jashtme e Rusisë ka kritikuar stërvitjet, duke thënë se ato do të destabilizojnë procesin e paqes.
