Shtatë persona janë vrarë në dy shpërthime me bomba në Irak.
Njëri shpërthim ndodhi pranë një tregu, ndërsa tjetri pranë një gjykate.
Agjencia e lajmeve Associated Press citon një zyrtar policor të ketë thënë anonimisht se sulmi i parë i sotëm ndodhi pranë një tregu në qytetin me shumicë sunite, Tarmiyiah, 50 kilometra në veri të Bagdadit.
Katër persona u vranë dhe tetë të tjerë u plagosën.
Bomba e dytë, pranë një gjykate në qytetin Mahmudiyah, në jug të Bagdadit, vrau tre persona dhe plagosi nëntë të tjerë.
Askush nuk mori menjëherë përgjegjësinë për sulmin.