Ndërlidhjet

logo-print

OKB: Irani i kritikoi fuqitë atomike


John Kerry gjatë fjalimit të tij në konferencën për Marrëveshjen për Moszgjerim Atomik në OKB

John Kerry gjatë fjalimit të tij në konferencën për Marrëveshjen për Moszgjerim Atomik në OKB

Irani ka kërkuar që vendet me armatim bërthamor t’i tërheqin planet eventuale për modernizimin ose zgjerimin e afatit të zgjatjes së arsenalit të tyre atomik.

Mëtutje, ministri i jashtëm i Iranit, Mohammad Javad Zarif, duke folur mbrëmë në Kombet e Bashkuara, në hapje të konferencës pesëvjeçare për rishqyrtimin e Marrëveshjes për Moszgjerim Atomik, e ka përsëritur thirrjen që Lindja e Mesme të jetë e lirë nga armatimi atomik dhe ka vlerësuar se Izraeli paraqet kërcënim për rajonin, për shkak të supozimit se ka rezerva atomike.

Sekretari amerikan i shtetit, John Kerry, në këtë konferencë për çarmatim atomik, ka theksuar se arritja e marrëveshjes atomike me Iranin është “larg nga përfundimi dhe se çështjet kyçe mbeten të pazgjidhura”.

“Ekziston potencial për progres historik” për të lëvizur kah një botë e lirë nga atomi, nëse arrihet kjo marrëveshje, tha zoti Kerry, dhe ka shtuar se “nëse ne arrijmë atje, e gjithë bota do të jetë më e sigurt”.

Fuqitë botërore dhe Irani e kanë arritur një marrëveshje kornizë më 2 prill në Lozanë të Zvicrës, me të cilën do të kufizohet aftësia e Iranit për prodhimin e armatimit atomik.

Por, deri më 30 qershor duhet të arrihet marrëveshja gjithpërfshirëse.

XS
SM
MD
LG