Raportohet se në Irak, një gazetar i njohur sekular është vrarë në shtëpinë e tij në Bagdad.
Observatoriumi Irakian i Lirisë së Gazetarëve ka thënë se gazetari, Raed al Juburi, është “vrarë me plumb në zemër” më 5 maj në lagjen Qadisiyah të Bagdadit.
Raportohet se qëllimi vrasjes nuk është ende i qartë.
Mirëpo, disa nga kolegët e Juburit thonë se ai kërcënohej ndërsa së fundi e kishte dorëzuar numrin e telefonit të Observatoriumit në fjalë në rast se atij i ndodh diçka.
Juburi e udhëhiqte një emision televizi në kanalin televiziv, Al Rasheed, ndërsa shkruante kolumne për gazetën ‘Azzaman’.
Kolegët thonë se ai kritikonte politikanët irakianë për problemet e sigurisë dhe ato ekonomike të vendit.
Një nga zëdhënësit e sigurisë në këtë vend i ka thënë një televizioni irakian se hetimet fillestare tregojnë se ai mund të ketë vrarë vetën.
Mirëpo, babai i gazetarit në fjalë e ka hedhur poshtë këtë pretendim.
Organizata me seli në Paris, ‘Reporterët pa Kufij” thonë se burimi i kërcënimeve ndaj Juburit mund të jenë politike.