Së paku 6 persona, përfshirë dy ambasadorë, janë vrarë sot nga përplasja e një helikopteri ushtarak të Pakistanit në pjesën veriore të këtij vendi.
Programi për Pakistanin i Radios Evropa e Lirë, duke e cituar zëdhënësin ushtarak pakistanez, Asim Bajwa, raportoi se është konfirmuar se në mesin e të vrarëve gjenden dy pilotë, ambasadorët e Filipineve dhe të Norvegjisë, dhe bashkëshortet e ambasadorëve të Malajzisë dhe Indonezisë.
Ambasadorët e Polonisë dhe të Holandës ishin në mesin e disa të plagosurve.
Nuk është menjëherë e qartë se çka e ka shkaktuar rrëzimin e helikopterit.
Helikopteri i tipit MI17, ishte pjesë e një grupi prej tre helikopterëve që i bartnin diplomatët perëndimorë për në rajon, ku kryeministri pakistanez, Nawaz Sharif, do ta mbante një fjalim.
Dy helikopterët e tjerë kanë ateruar pa probleme.