Kryengritësit shiitë huthi thanë sot se e kanë rrëzuar një aeroplan luftarak të koalicionit të udhëhequr nga Arabia Saudite, pak kojë pasi qeveria e Marokut ka njoftuar se një aeroplan luftarak i saj është zhdukur gjatë misionit.
“Mbrojtja ajrore e fiseve e rrëzoi aeroplanin mbi Wadi Nushur, në Saada”, që është bazë e kryengritësve në pjesën veriore, ka raportuar televizioni i kryengritësve, Al-Masirah, duke transmetuar pamje, në të cilat shihen banorët lokalë duke festuar rreth mbetjeve të aeroplanit.
Maroku pat njoftuar se kontakti me pilotin dhe aeroplanin F-16s ishte humbur dje pasdite.
Ky është aeroplani i parë i koalicionit të udhëhequr nga Arabia Saudite, për të cilin raportohet se është zhdukur, prej 26 marsit, kur kanë filluar sulmet ajrore kundër caqeve të kryengritësve shiitë huthi në Jemen.