Ndërlidhjet

Admirali amerikan Ferguson e vizitoi KFOR-in


Komandanti i Forcës së Përbashkët në Napoli, Mark E. Ferguson III, i përcjellur nga komandanti i KFOR-it në Kosovë, Francesco Paolo Figliuolo, i kanë kaluar me aeroplan disa kampe dhe zona të KFOR-it të vendosura kryesisht në pjesën veriore të Kosovës, ka njoftuar sotZyra për marrëdhënie me publikun e KFOR-it.

Gjatë fluturimit gjenerali Figliuolo e ka njoftuar admiralin amerikan, Ferguson, për zhvillimet e fundit dhe situatën aktuale të sigurisë në Kosovë.

Pas aterimit në Mitrovicë, admirali Ferguson i ka vizituar pjesëtarët e shërbimit të KFOR-it, të vendosur në afërsi të Urës Austerlitz, “me ç’rast u informua për çështjet kryesore të sigurisë lidhur me këtë hapësirë të Kosovës”.

Me të arritur në selinë e NATO-s dhe KFOR-it në Prishtinë, admirali Ferguson dhe gjenerali Figliuolo, janë takuar me përfaqësuesin special të Bashkimit Evropian në Kosovë, Samuel Zhbogar.

Me këtë rast Ferguson “e ka shprehur falënderimin e tij për zhvillimet aktuale në dialogun Beograd – Prishtinë, dhe ka shfaqur shpresën se qasja e njejtë pozitive do të mund të përvetësohet nga të gjitha palët, po ashtu, edhe brenda institucioneve të Kosovës”, theksohet në njoftimin e KFOR-it.

Zoti Zhbogar i “ka konfirmuar admiralit Ferguson rëndësinë e pranisë stabilizuese të KFOR-it në Kosovë”.

Komandanti i Forcave të Përbashkëta në Napoli, Mark E. Ferguson III, e ka falënderuar gjeneralin Figliuolo, “për rolin e ushtruar nga KFOR-i, për të siguruar ambient të qetë në Kosovë, në një rajon kaq të ndjeshëm dhe kompleks të Ballkanit”.

XS
SM
MD
LG