Kryetari i Kuvendit të Kosovës, Kadri Veseli, përmes një postimi në Facebook, ka njoftuar se Kosova është bërë anëtare e Asamblesë Parlamentare të Procesit të Bashkëpunimit të Evropës Juglindore.
Kjo Asamble ka zhvilluar punimet sot në Tiranë.
“Ishte një vendim konsensual i vendeve anëtare që Kosova të jetë pjesë e Asamblesë Parlamentare të Procesit të Bashkëpunimit të Evropës Juglindore”, ka thënë Veseli.
Një gjë e tillë, sipas tij, shpreh më së miri vlerësimin për progresin që ka shënuar Kosova, si dhe “vlerësimin e faktit se Kosova është një faktor i paqes, stabilitetit dhe zhvillimeve pozitive” në rajon.