Ambasadori i Francës në Shtetet e Bashkuara, Gerard Araud, ka thënë se fuqitë botërore dhe Irani, sipas të gjitha gjasave, do të humbasin afatin e fundit të qershorit për të arritur marrëveshje të përhershme bërthamore.
Duke folur në Institutin e Këshillit Atlantik në Uashington, Araud ka thënë se është “shumë e mundshme” që të mos ketë marrëveshje në pesë javët e ardhshme.
Ai ka thënë se mbeten ende shumë punë teknike për t’u bërë.
Ambasadori i Gjermanisë në Shtetet e Bashkuara, Peter Witting, ka thënë se lehtësimi i sanksioneve për Iranin nuk do të ndodhë para fundit të këtij viti.
Irani dhe gjashtë fuqitë botërore – Shtetet e Bashkuara, Rusia, Kina, Britania, Franca dhe Gjermania – janë duke negociuar një marrëveshje, e cila do të kërkojë nga Irani të frenojë aktivitetet e tij bërthamore në këmbim të lehtësimit të sanksioneve ndërkombëtare.