Ndërlidhjet

Washingtoni "në hall" me karikaturën e Profetit Muhamed


Metroja në Washington, foto nga arkivi

Metroja në Washington, foto nga arkivi

Zyrtarët në Washington janë duke diskutuar se a duhet të lejojnë që në metrotë e qytetit të vendoset karikatura fituese, e cila portretizon Profetin Muhamed.

Iniciativa Amerikane për Mbrojtjen e Lirisë, grup ky që ka përkrahur garën që u mbajt në Teksas më herët gjatë këtij muaji, e cila provokoi edhe sulmin vdekjeprurës nga militantët myslimanë, ia ka dorëzuar reklamën për shqyrtim autoriteteve të metrosë.

Reklama u bën thirrje amerikanëve që të mbështesin lirinë e fjalës, dhe aty shfaqet figura e Profetit Muhamed.

Paraqitja e figurës së Profetit në fenë islame konsiderohet si ofenduese nga shumë myslimanë.

“Asgjë në këtë karikaturë nuk provokon dhunë”, ka thënë themeluesja e grupit për lirinë e fjalës, Pamela Geller.

“Ajo është e ndërtuar në kulturën tradicionale të satirës amerikane”, ka shtuar ajo.

Grupi ka vendosur reklama kundërthënëse nëpër metrotë dhe autobusët e Chicagos, Philadelphias dhe San Franciscos. Gjithashtu edhe në Washington ata kishin vendosur një reklamë në vitin 2012.

Ndërkaq, autoritetet e transportit në New York, në muajin prill kanë ndaluar vendosjen e reklamave politike. Sidoqoftë, ata kishin humbur betejën mbi këtë çështje, ndaj Grupit në fjalë.

XS
SM
MD
LG