Ministri i Jashtëm i Çekisë, Lubomir Zaoralek, ka thirrur në bisedë informative ambasadorin e Rusisë në Pragë, për të protestuar për një dokumentar, që flet për pushtimin sovjetik të Çekosllovakisë, më 1968.
Dokumentari është transmetuar nga televizioni shtetëror rus.
Zëdhënësja e Ministrisë së Jashtme çeke, Michaela Lagronova, ka thënë se ministri e cilëson dokumentarin si “mashtrues”.
Reagim ka pasur edhe nga Ministria e Jashtme e Sllovakisë, e cila ka thënë se filmi “bën përpjekje të rishkruajë historinë dhe të falsifikojë të vërtetën historike”.
Pushtimi i udhëhequr nga Bashkimi Sovjetik ka rrënuar përpjekjet për reformimin e regjimit komunist në Çekosllovaki, duke çuar në atë që njihet si Pranvera e Pragës.
Trupat sovjetike janë tërhequr vetëm pas Revolucionit të Kadifenjtë antikomunist, më 1989.
Filmi pretendon se pushtimi ka pasur për qëllim parandalimin e një grushtshteti të mbështetur nga Perëndimi.