Presidenti i Shteteve të Bashkuara, Barack Obama, ka thënë se është i bindur se organizata terroriste e Shtetit Islamik (IS) do të dëbohet nga Iraku.
Duke folur pas një takimi me kryeministrin irakian, Haidar al-Abadi, Obama ka thënë se Shtetet e Bashkuara do të vazhdojnë të rrisin ndihmën për forcat irakiane.
Obama dhe Abadi janë takuar në Gjermani, në margjina të samitit të G7-ës, grupit të vendeve më të industrializuara.
Abadi ka falënderuar Obamën dhe liderët e tjerë të G7-ës për mbështetjen e qeverisë së tij në luftën kundër Shtetit Islamik.
