Ndërlidhjet

Kryeministri turk jep dorëheqjen


Ahmet Davutoglu

Ahmet Davutoglu

Kryeministri i Turqisë, Ahmet Davutoglu, ka dhënë dorëheqje, një veprim procedural ky pas zgjedhjeve parlamentare të së dielës.

Megjithatë, ai do të mbetet në post derisa të formohet qeveria e re.

Dorëheqja është bërë publike përmes një kumtese zyrtare të lëshuar nga zyra e presidentit Recep Tayyip Erdogan.

Partia për Drejtësi dhe Zhvillim e Davutoglut ka humbur shumicën në zgjedhjet e 7 qershorit.

Tani, ajo detyrohet të kërkojë partner për formimin e koalicionit qeveritar ose të bëjë përpjekje që të udhëheqë Turqinë përmes një qeverie të pakicës.

Erdogan pritet që të kërkojë zyrtarisht nga Davutoglu formimin e qeverisë së re pasi të shpallen rezultatet përfundimtare, ndoshta javën e ardhshme.

XS
SM
MD
LG