Laureati i Çmimit Nobel, shkenctari britanik, Tim Hunt ka kërkuar falje pas komeneteve që ka bërë për femrat shkenctare.
Hunt kishte deklaruar në Konferecën Botërore në Korenë Jugore se “Tri gjëra ndodhin kur vajzat punojnë në laborator: Ju bini në dashuri me to, ato binë në dashuri me ju, dhe më pas ju i kritikoni, ndërsa ato fillojnë të qajnë”.
Hunt, i cili ka fituar Çmimin Nobel në vitin 2001 në mjekësi për punën e tij në ndarjen e qelizave, ka thënë për BBC se i “vjen shumë keq” për komentet e tij “ironike”, duke shtuar se nuk kishte për qëllim që të ofendonte femrat.
