Ndërlidhjet

Holanda nuk do të organizojë Lojërat Evropiane 2019


Më 12 qershor në Baku për herë ntë parë fillojnë Lojërat Evropiane

Holanda është tërhequr nga organizimi i edicionit të dytë të Lojërave Evropiane në 2019, dy ditë para se edicioni i parë i këtyre lojërave të fillojë në Azerbajxhan.

Qeveria holandeze ka thënë sot se çmimi prej 57.5 milionë eurosh është shumë i lartë për autoritetet lokale, provincial dhe kombëtare.

Autoritetet holandeze gjithashtu kanë vënë në pikëpyetje se a do të ketë atletë të mjaftueshëm në këto lojëra sepse sportet, duke përfshirë këtu notin dhe atletikën kanë kampionate evropiane në vitin 2019.

Patrick Hickey, kreu i Komiteteve Evropiane Olimpike, ka thënë në një deklaratë se : “Ky lajm është dëshpërues por ne duam që të falëndrojmë Holandën për interesimin e tyre”.

Në Lojërat Olimpike Evropiane që do të fillojnë më 12 qershor në Baku të Azerbajxhanit, Kosova përfaqësohet me ekipin e saj olimpik me gjithsej 19 sportisë.

Xhudisja Majlinda Kelmendi ndonëse nuk do të marrë pjesë në këtë garë, do të bartë flamurin e Kosovës në parakalimin e atletëve.

XS
SM
MD
LG